LAVANDEIRAS DE SAN SIMÓN. Fútbol gaélico feminino.

LAVANDEIRAS DE SAN SIMÓN é un novo equipo de fútbol gaélico feminino formado por mulleres de Vigo e a súa contorna.

O futbol gaélico é un deporte minoritario en Galiza, polo que cada equipo e cada xogadora conta.

Necesitamos a túa axuda para a nosa supervivencia!

Queremos ser un lugar para a saúde: Queremos construír un espazo de lecer, de convivencia e de coidados.

Na sociedade actual da hiperprodutividade e o individualismo cremos que é a través da convivencia, da unión colectiva e da construción de comunidade onde se poden atopar espazos de abeiro.

Consegue recompensas exclusivas:

Dende que comezamos con esta campaña pensamos nas recompensas con moito agarimo. Queríamos que, dalgunha maneira, estivesen vencelladas ao noso deporte, á historia detrás do noso nome e á nosa cultura.

Colaboran con nós empresas de economía social, que impulsan o desenvolvemento social e a redistribución do valor engadido.

Agardamos que as gocedes!

Ademais de participar en todos os obxectivos de campaña debloqueados... segue lendo ;)

A lavandeira de San Simón

Escrito por Eva Mejuto, escritora galega, A lavandeira de San Simón é o libro que conta a historia que inspirou o noso nome:

Queremos facer memoria e honrar as mulleres disidentes e solidarias que durante a Guerra Civil se expuxeron para servir de alento e acougo aos milleiros de presos do franquismo que se viron despoxados de liberdade na Illa de San Simón por defender ideas progresistas: as lavandeiras.

A que destinaremos as vosas achegas.

O Concello de Vigo concedeunos o uso de instalacións públicas un día á semana, pero temos que pagar unha instalación privada para completar os adestramentos.

O 100% do recadado irá destinado a:

• Pagar unha instalación privada: 1 día á semana.

• Pagar as recompensas.

Obxectivos a desbloquear! Fagamos a festa!

Segundo vaiamos acadando os seguintes obxectivos de recadación iremos facendo unha celebración: SORTEO!

Que é o fútbol gaélico?

É unha variante do fútbol xogada principalmente en Irlanda. En Galiza e no feminino, xógase en equipos de 9 xogadoras nun campo rectangular, con porterías en forma de H a ambos os dous lados.

As xogadoras avanzan polo campo levando o balón nas súas mans e pasando o balón entre as compañeiras de equipo coas mans ou cos pés.

O obxectivo principal é anotar o maior número de puntos, marcando goles (3 puntos) ou lanzando o balón por enriba do longueiro (1 punto).

O fútbol gaélico conta ademais cuns valores únicos dentro do mundo do deporte: é un deporte amateur por definición e promove a cultura do “terceiro tempo”, primando a camaradería entre rivais.

+ Info

• Segue o proxecto tamén no noso Instagram

• Entérate do que se move no fútbol gaélico en Galiza