Oh, Mammi Blue!

SINOPSE

Oh, mammi blue! comeza coas primeiras horas dun parto, as últimas dun embarazo e a sensación de que algo vai saír mal.

A través dunha serie de incidentes e erros cos que a protagonista se compromete ata o final, asistiremos a un desenlace inesperado que cambiará a súa vida, e a dos que a rodean, para sempre.

A través dunha posta en escena innovadora e visualmente impactante, a peza achéganos un testemuño único e luminoso sobre a perda, o trauma, o amor e a supervivencia.

Oh, mammi blue! é un relato fascinante no que se destapan tabús de xeito audaz e onde quedan reflectidas as dúbidas, a beleza, o terror e a culpa que acompañan a experiencia da maternidade.

Unha obra cun dispositivo narrativo singularísimo que non deixará indiferente ao público.

NOTAS DA AUTORA

Este espectáculo está construído con historias que aconteceron e outras que non, coas inventadas, coas que xa ninguén lembra, con esas das que non se fala, porque as súas vimbias non son as palabras senón os xestos.

Oh, mammi blue! está feita de silencios, amnesias provocadas, e de fascinantes historias que se vencellan entre si.

Poderiamos dicir que é a historia dun embarazo de risco e a dunha muller que decidiu non abortar, tamén a de sete fillos que quedaron sen nai, ou a dunha casa construída fronte a unha igrexa, a dunha cadeira rota ao nacer e a dunha nai solteira que cando lle preguntabas por que non casara adoitaba responder “el que vino no convino y el que convino no vino.”

Pero sobre todo é a historia dunha muller intentando facer as paces co seu pasado.

SOBRE AS RECOMPENSAS

Soamente a través de Verkami poderás conseguir agasallos exclusivos que che permitirán disfrutar dunha experiencia inolvidable.

Descobre todas as posibilidades e elixe a que máis che guste; incluso poderás convertirte en coproductor e aproveitarte das vantaxes especiais.

Os agasallos incluidos nas doazóns entregaranse na propia sala o día fixado para asistir á representación.

O principal obxectivo desta campaña é a **financiación de melloras de produción de todos os aspectos do proxecto, especialmente escenografía, vestiario, iluminación, etc.

QUEN SOMOS

FICHA ARTÍSTICA

• Dirección e dramaturxia: Noemi Rodríguez

• Elenco: Helena Varela

• Axudante de dirección: Darlene Rodríguez

• Escenografía: Jose Manuel Faro (Coti)

• Iluminación: Laura Iturralde

• Vestiario: Dúas e Punto

• Espazo sonoro e vídeo: Xosel Díez

• Maquillaxe e perruquería: Salón de Beleza Ítaca

• Fotografía: Alberto Pequeño

• Deseño gráfico e dirección de arte: María Vilariño

• Técnicas en xira: As Dúas e Punto

• Produtora executiva: Helena Varela

• Distribuidora: Darlene Rodríguez

CALENDARIO DE PRODUCIÓN

Oh, mammi blue! xa está nunha fase moi avanzada de produción, preparándose para a súa pre estrea o 8 de agosto e estrea o 18 de outubro no Auditorio Municipal de Cangas.

• 1 xullo – 8 agosto: ensaios e montaxe escénica con toda a equipa

• 8 agosto: preestrea con 40 persoas convidadas previamente

• 18 outubro ás 20:00h: estrea mundial no Auditorio de Cangas

📦 As recompensas entregaranse na preestrea e na estrea.

💰 DESTINO DO FINANCIAMENTO

• Aloxamento e dietas da equipa durante o mes de produción

• Melloras técnicas (escenografía, iluminación, vestiario)

• Produción das recompensas

O proxecto conta tamén con:

• Patrocinadores: Vinoteca A Micalla (Allariz), Salón de Beleza Ítaca (Cangas), Camino en Kayak (O Grove)

• Apoio da Deputación da Coruña (departamento de igualdade)

• Colaboración con RedTalento Consultoras

📊 Orzamento total: 25.000 €

Irémosvos facendo partícipes de todo o proceso de produción ata a estrea a través desta campaña, e moi pronto poderedes gozar de Oh, mammi blue! en directo connosco.

Síguenos

Para coñecer máis sobre o proxecto e o equipo e estar ao día de todas as novidades de Oh, mammi blue!, síguenos na nosas redes sociais:

Grazas por formar parte desta viaxe.

Axúdanos a dar vida a Oh, mammi blue!